اولاد الشوارع ايه اكبر حلمهم

من طرف **Google** السبت يونيو 20, 2009 8:44 pm

بسم الله الرحمن الرحيم

زهور ضاع منها الرحيق

ربما انهم فى عمر الزهور ولكن هل يحلمون كما يحلم من هو فى عمرهم
ولو انهم يحلمون بماذا ياترى يحلمون هل انهم يروا الحياه كما يراها سواهم ممن هم فى مثل اعمارهم
نحن لا نقول باننا وجدنا حلولا صارمه ستنهى هذه الماساه
ولا نقول باننا خلقنا قانون رحمه لهؤلاء الاطفال
انما قوانين الرحمه فى يد الله جل وعلا
نحن نبحث عن ونسكب ما فى قلوبنا تجاههم لعلنا نوافي ونجيد فن التعبير
ولعلنا نقدم شئ مهم ومفيد

اولاد الشوارع
اولاد
صبيان وبنات
اوجاع واهات
وسط الزحمه
ودموع بتقول فين الرحمه
يمكن فى البرد تكون دفيان
طيب واحنا
ما احنا بردو زيك انسان
انسان تايه من غير عنوان
طفل ومالياه بدرى الاحزان
عارف معنى التوهه والغربه
عارف ايه الايام الصعبه
عارف انه ميت ضايع
شايف نفسه فاقد صايع

اساله عن اسمه
وشوف ايه رده
هايقولك انا
ظاظا ياعم
ابن الشارع
وسع فسح
ابعد عنى
انا عارف ايه هو مصيرى
بس ياعم
سيبنى فى حالى
اوعاك تيجى تقرب منى
انا الفك ياسعاده البيه
فى ورقه لحمه من ام جنيه
هاتقولى انا بيه وبتاع
بتكلم عيل فى الشارع ضاع
الشارع سمانى وربانى
خلانى اشوفه اوطانى
ولا اشوفش غيره عالم تانى
كان نفسى احقق احلامى
العيل بقا ليه احلام
ايوه ياباشا احلامى كبيره
كان نفسى اروح مدرسه ميرى
وانا نازل بدرى الصبحيه
وبشاور لامى بمنديلى

يمكن بحلم وهاموت احلم
يمكن مجنون
بس ولا يوم انا هاياس
ولا يوم ييجى وهاستسلم
نفسى يكون لى سرير
نفسى اصرخ احلم اتجنن واطير
نفسى اعيش
نفسى انام زى الناس ماهى نايمه
واقوم مرتاح زى ماالناس ماهى قايمه

دى حاله اطفال من اطفالنا
يمكن لما بنسمع كلمه طفل ولا بيبى بنبتسم
ونحس انها حاجه رقيقه
حاجه جميله
بس انا واثقه اننا قصاد الاطفال والاولاد دول هانحس حاجه تانيه
يمكن نخاف منهم
يمكن نزعل عليهم
يمكن قلوبنا تتقبض
ويمكن نقول ايه القرف ده
ويمكن نقول ياحراااااااااااااام
ويمكن نقول لا حول ولا قوه الا بالله
ويمكن نقول حسبى الله ونعم الوكيل
ويمكن نقول اكيد دول من بيئه .....؟؟؟
ويمكن نقول اكيد هربانين
ويمكن نقول حاجه تكسف
طيب ليه ياكبير
ليه ياغنى
ليه ياصاحب النفوذ
مش تداوى الحاجه اللى تكسف دى عشان يبقا مفيش حاجه فى بلدك تكسفك
بدل الحفله اللى بكذا
بدل اللبس الى بكذا غيرك عريان وبردان

انا مش هاكمل الموضوع لانى عاوزه ان كلنا نشارك
اللى يقدر يقول كلمه
يمكن مش هانقدر نساعد بس يمكن كلمتك يكون لها تاثير
ويمكن تكون كلمتك تعمله حاجه يوم من الايام او تكون عون ليه
اللى عنده مشاركه او راى او حل للقضيه دى او اى معلومه عنهم يقدر يضيفها
اتمنى الاقيكم يااسره هنون على الصفحه دى ومش هاقول صفحتى بس هاقول صفحه اطفال اتحرمت حتى من اقل شئ ممكن يعيشوه

قبل كل شئ لازم نعرف
من هو طفل الشارع

هو الطفل الذي وجد نفسه دون مأوى ولا مكان يرحب به سوى الشارع ولا أذان تستمع له سوى من هم مثله .. هو الطفل الذي يعمل من أجل البقاء .

هو الطفل الذي يترك بيت أسرته ويفر إلى الشارع بين الحين والأخر ليقضي بعض الليالي بعيداً عن قسوة الأهل أو هرباً من الاكتظاظ أو الاعتداء أو الفقر .

هو طفل ولد وبدلاً من أن يجد نفسه في أحضان والديه وجد نفسه في صندوق للقمامة لا يعرف له أم أو أب فهو نتاج خطأ وقعا فيه .. فلم يجد أمامه سوى أحضان الشوارع لتعوضه حنان الأسرة .

أطفال الشوارع وفقاً للتعريف الوارد في القانون المصري للطفل لعام 1996 ، يعتبرون أحداثا يقضون معظم أوقاتهم في الشوارع بدون حماية أو إرشاد وهؤلاء الأطفال لهم، على العموم، صلات قليلة بذويهم أو لا تربطهم بهم أي صلة .

أسباب تفشي ظاهرة أولاد الشوارع حيث اصبحت
واقع ملموس نشاهدهه ونشعر به

وتتعدد الأسباب المؤدية إلى تشرد هؤلاء الأطفال ، حيث يعتبر الطلاق سببا رئيسيا في انتشار هذه المشكلة وخاصة طلاق الأسر الفقيرة ، حيث أشارت إحدى الدراسات أن 90% من أطفال المشكلة لديهم آباء وأمهات إما أب أو أم فهم ليسوا لقطاء ولقد تم قسمتهم إلى ثلاثة أنواع:

أطفال يعيشون بين الشارع والبيت
وأطفال يعملون بالشوارع وأغلبهم يحققون دخلاً لا بأس به
وأطفال يتعرضون للاستغلال البشع من طرف الشارع إما عن طريق تشغيلهم في ظروف صعبة أو عن طريق الاستغلال الجسدي .

كما يتسبب الفقر في عدم قدرة الأسرة على رعاية أبنائها وتغطية احتياجاتهم الرئيسية من مأكل ومشرب وملبس وعلاج، فلا يجد الطفل غير الشارع، وأحيانا يطرد الأب أبنه للخروج للشارع رغما عنه .

من جانب أخر معظم الأطفال لم يكملوا تعليمهم لسبب أو لآخر ، حيث يصبح وقت الفراغ أطول والآفاق المستقبلية أضيق ، فينضمون إلى مسيرة التشرد .

واشوفكم فى الردود وياريت اللى ليه وجهه نظر فى راى اللى قبله او اضافه يقولها

والسلام عليكم ورحمه الله وبركاته